Welcome to ContactPakistan.com
 

حمد رب ذوالجلال
شاعر: محسن علوی جدہ سعودی عرب

( بہ ردیف بیکراں)
 
اول و آخر و احد جس کا خیال بیکراں
نور زمین و آسمان خود ہے جمالِ بیکراں

قدرت رب کے واسطے دیتے شہادتیں ہیں سب
صرف وہی تو ذات ہے جس کا کمال بیکراں

وسعت علم و عقل میں وہ ہے علیم اور خبیر
علم کی ہر جہت میں ہے اس کی مثال بیکراں

حرف سجے ہیں سامنے گویا کہ حمد کے لئے
لفظوں کو بخش دے چمک حرف اجال بیکراں

وہ ہے رؤف اور رحیم وہ ہے کریم اور حکیم
حمد میں ہر قلم کا ہے مال و منال بیکراں

ربِ رقیب اور حفیظ ، ربِ حلیم اور قدیم
حمد نہ لکھ سکوں اگر تب ہو ملال بیکراں

نور اسی کی ذات ہے خالق کائنات ہے
منفردِ صفات ہے اس کا جمال بیکراں

محسنِ فکر ہے وہی ، لب پہ بھی ذکر ہے وہی
محورِ شکر ہے وہی ، میرا خیال بیکراں

 


Learn CPR

Register in our Virtual Blood Bank (Only KSA)

Click to send your Classified ads

KSA Newsletter Archives - Read all about our community in KSA
Be United - Join the Community
©Copyright notice