Welcome to ContactPakistan.com
 

ہندو شعراءکا نعتیہ کلام

انتخاب: سعید جاوید مغل

 

ہندو شاعر : پنڈت دیا شنکر نسیم

ہر شاخ میں ہے شگوفہ کاری
ثمرہ ہے قلم کا حمد باری
کرتا ہے یہ دو زباں میں یکسر
حمد حق مدحت پیمبر

پانچ انگلیوں میں یہ حرف زن ہے
یعنی یہ مطیع پنجتن ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : پنڈت دتا تریا کیفی

ہو شوق نہ کیوں نعتِ رسولِ دوسرا کا
مضموں ہو عیاں دل میں جو لولاک لما کا
پہنچائے ہے کس اوج سعادت پہ جہاں کو
پھر رتبہ ہو کم عرش سے کیوں غار حرا کا
یوں روشنی ایمان کی ہے دل میں کہ جیسے
بطحا سے ہوا جلوہ فگن نور خدا کا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : رگھوپتی سہائے فراق گورکھپوری

انوارہیں بے شمار معدود نہیں
رحمت کی شاہراہ مسدود نہیں
معلوم ہے کچھ تم کو محمد کا مقام
وہ امت اسلام میں محدود نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : پنڈت ہری چند اختر

سبز گنبد کے اشارے کھینچ لائے ہیں ہمیں
لیجئے دربار میں حاضر ہیں اے سرکار ہم
نام پاک احمد مرسل سے ہم کو پیار ہے
اس لئے لکھتے ہیں اختر نعت میں اشعار ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : جگن ناتھ آزاد

سلام اس پر جو آیا رحمت للعالمین بن کر
پیام دوست لے کر صادق و وعدو امیں بن کر
سلام اس پر جو حامی بن کے آیا غم نصیبوں کا
رہا جو بے کسوں کا آسرا مشفق غریبوں کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : پنڈت آنند موہن گلزارزتشی

پر تو حسن زاد آئے تھے
پیکر التفات آئے تھے
کذب اور کفر کو مٹانے کو
سرور کائنات آئے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : کرشن موہن


گرچہ نام و نسب سے ہندو ہوں
کملی والے میں تیرا سادھو ہوں
تیری توصیف ہے مری چہکار
میں ترے باغ کا پکھیرو ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : راجیندر بہادر موج


حضرت کی صداقت کی عالم نے گواہی دی
پیغام الہٰی ہے پیغام محمد کا
اوہام کی ظلمت میں اک شمع ہدایت ہے
بھٹکی ہوئی دنیا کو پیغام محمد کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہندو شاعر : پنڈت گیا پرساد خودی


زندگی میں زندگی کا حق ادا ہو جائے گا
تو اگر اے دل غلام مصطفٰے ہو جائے گا
رحمت للعالمیں سے مانگ کر دیکھو توبھیک
ساری دنیا سارے عالم کا بھلا ہو جائے گا
ہے یہی مفہوم تعلیمات قرآن و حدیث
جو محمد کاہوا اس کا خدا ہو جائے گا
شوق سے نعت نبی لکھتا رہا گر اے خودی
حق میں بخشش کا تری یہ آسرا ہو جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہندو شاعرہ : لتا حیا

شاعرہ لتا حیا مزھباً تو ھندو ہیں مگر اسلام سے عقیدت اور اردو سے محبت انکی شاعری سے جھلکتی ہے۔

اسلام کی عظمت
جو انسان کو جینے کا انداز سکھاتا ہے
سانسوں کی آمد کا گہرا راز بتاتا ہے
جو یہ کہتا ہے دنیا کیسے ایجاد ہوئی؟
اک غلطی سے خارج آدم کی فریا دہوئی
جو یہ کہتا ہے دنیا کو ایک سزا سمجھو
اپنے ہونے میں اللہ کی صرف رضاسمجھو
جو یہ کہتا ہے جوکچھ بھی ہے فانی ہے
کہتے ہیں ہم جسے قیامت، وہ تو آنی ہے
کیسے ہوتی صبح،کیسے شام بناتا ہے
وہ ہے سچا مذہب جو اسلام بتاتا ہے
جہاں برائی ختم، شروع اسلام وہاں سے ہے 
اپنے بندوں کو اس کا پیغام وہاں سے ہے
اک مکمل جس نے یہ قانون بنایا ہے
اس نے اپنے بندوں کو ہر گام سکھایا ہے
کیسے جینا ہے تم کو اور کیسے مرنا ہے 
اس دنیا میں رہ کر کیا کرنا نہ کرناہے
ہر اچھی باتوں کا حکم جو ہمیں دیتا ہے
اور آخرت بن جائے یہ دین ہی ایسا ہے
جو انسان کو ایک کامل انسان بناتا ہے
وہ ہے سچا مذہب جو اسلام بتاتا ہے
آج جہاں میں دیکھو، توہر اور برائی ہے 
اور نیکی سے بدی کی
''گھنگور''  لڑائی ہے
انسان نے دولت کو اپنادھرم بنایا ہے
اور گناہوں کو ہی اپنا کرم بنایا ہے
کس کو ہے پروا فرائض اور اصولوں کی
دنیا یاد رہی ہر بات وہ بھولے نبیوں کی
ذات پات میں راتارے دنگے اور مارا ماری
ارے فیصلے کے دن کی بھی کر لو تیاری
اک راستہ ہے جو جنت کی راہ دکھاتا ہے
وہ ہے سچا مذہب جو اسلام بتاتا ہے
دنیا میں آئے ہو تو انسان بنو پہلے
جسکی امت میں ہو، اسکی راہ چلو پہلے
اسکی فرمانبرداری کا نام محبت ہے
یہی عقیدہ کہلائے، یہی عبادت ہے
بیدہو یا توریت ہو کہ انجیل ہویا قرآن
لیکن دین فطرت دین قیم ایک ہے ہاں!
وہ کہ جو ایمان نہیں لائے، پچھتائیں گے
جب دوزخ کی تکلیفوں کو سہہ نہ پائیں گے
جو سچا ایمان یقین اور علم بڑھاتا ہے
وہ ہے سچامذہب جو اسلام بتاتا ہے
جو حضرت نوح
ؑ پر اترا اسلام وہی توہے
آپ محمد
تک جو پہنچا اسلام وہی تو ہے
ذکر ہے جس کا ویدوں میں اسلام وہی تو ہے
اور قرآن کی سورتوں میںاسلام وہی تو ہے
جو سمجھا یا نبیوں نے اسلام وہی تو ہے
دی اصلاح حدیثوں نے اسلام وہی تو ہے
جو ''ایمان مجمل'' ہے اسلام وہی تو ہے
اور''ایمان مفصل'' ہے ایمان وہی تو ہے
جو کلمہ طیب پہلے پہل پڑھاتا ہے 
وہ ہے سچا مذہب جو اسلام بتاتا ہے
میں نے سوچا بت کو پوجوں روح نہیں مانی
اِس کو پوجوں اُس کو پوجوں کیا ہے من مانی؟
دولت پوجا ، کرسی پوجا اور لہو پوجا
پتھر پوجا ، گھر کی پوجا اور پشو پوجا
جو کچھ ہے بس ایک وہی، بس ایک وہی ناداں 
انسان کو بھگوان سمجھنا ہے اس کا اپمان
اس سے بہتر ہے کہ تم خود کو پہچانو
بدی گناہوں سے بچ جاﺅ بات میری مانو
جس کے ذریعے انسان آج دعائیں پاتا ہے
وہ ہے سچا مذہب جو اسلام بتاتا ہے
اس مذہب میں دنیا کا ہر راز ''نمایاں'' ہے
جینے سے مرنے تک کا ہر طور بتایاہے
ہے پابندی کلموں اور نمازوں کی
حج لازم ہے اور لکھی فہرست زکوٰتوں کی
انسان کے ہر ایک عمل کی خاص دعائیں ہیں
اک اک سورة میں مالک کی خاص شعائیںہیں
جیسے ماں بچے کو اچھی بات سکھاتی ہے
عقلی ہوئی توحید سمجھ،ایمان بناتی ہے
اور ہدایت جس کو دے مالک وہ پاتا ہے
وہ ہے سچا مذہب جو اسلام بتاتا ہے
اس میں ہے تہذیب ،صداقت اور وفاداری
گھونگھٹ آنچل، نیکی، لجا اور پردہ داری
عزت غیرت ایک سلیقہ اور بھلائی ہے
مضبوطی بہبودی ظاہر صرف خدائی ہے
یہ توبس اعمال، ادب، اخلاق، نفاست ہے
شرک نہیں ہے ، کفر نہیں ہے ، صرف اطاعت ہے
بڑے بزرگوں کی عزت، ماں والد کا سمّان
بچوں کو بچپن سے دکھلاتے رہے راہِ قرآن
اس لیے یہ دھرم حیا کے دل کو بھاتا ہے
وہ ہے سچا مذہب جو اسلام بتاتا ہے

 

 


Learn CPR

Register in our Virtual Blood Bank (Only KSA)

Click to send your Classified ads

KSA Newsletter Archives - Read all about our community in KSA
Be United - Join the Community
©Copyright notice